آشيق ادبياتي
آذربايجان فولكلورخزينه لري-4
يازان وتوپلايان:علي برازنده.تورك
Emil:turkbaris2003@yahoo.com
تورك خالق يارادجليقين ان اؤنملي قولاريندان سايلان آشيق يارادجيليقي زنگين و بديعي و مدني بير ايرث اولاراق چوخ اوزاق چاغلاردان بري ياشاماقدا اولوب تاريخ دؤنملرينده بير چوخ آدلا تانينميشدير و تورك خالقلارين آراسيندا باشقا-باشقا آدلارلا فعاليت گؤسترديگلريني گؤرمك اولار.خالق اوخويانلاري تكجه تورك ميلتينه عاييت اولماديقي بللي دير ؛بوتون اسكي مدنيته صاحيب اولان ميلتلر آرالاريندا بير چئشيت تورك «آشيق»لارينا بنزر كيشيلر اولموشدوركي بودا بوهنرين نه قدر قديم اولدوقون گؤرسدن دير .
«آشيق»ين تاريخ بويي يارادجيليقلارينا باخيلديقيندا بير چوخ هنرو باشارجيليغي بيرليكده بيركيشي ده اولدوقوني گؤرمك اولار؛شاعيرليق؛چالقيچيليق،اوخوماق،اويونچولوق ،رقص و رقاصليق،گؤزؤباغليجليق و اسكي چاغلادا بير آغ ساققال و ائل اؤيدچيسي وائل خبرچيسي بونلاردان بيرنئچه سي دير.بودا «آشيقلارين»تورك خالقنين آرالاريندا اؤنملي ليقلاريني گؤسترگلردندير.آشيقلارين قوتساليقي و مقدس كيشيلر سيراسيندا يئرآلماقلاري اسكي دؤنملردن بري اونلارين خالق ايچرسينده يوكسلملرينين ندنلريندن بيري اونلاري تكجه بير”دودودولانان” و آراسيرا توي مجليسيني قيزديران و بونلاراي تاي كيچيك رول اوسلنملري اونلاري “ساياچي”و “باشقا اولگارليقلاردان اولان مثلا “ارمني و فارسلارين “گوسان”آدلانديرديقلاري آراجي و قره چيلر(كولي)كيمي سايلمديقلاريني و كؤكلري مذهبي و ديني آنلايشلارا دايانان كيشيلراولاراق تانيماق گركير.توركلر اسكي دؤورلردن بري بيرتانريلي خالق اينانيشلي و سونرالار ايسلام دينيني قبول ائيلديقلارندان سونرا آشيقلارين بوتون سؤزلرينده ديني اينانشي يوكسك بير سئويده گورمك اولار.
«آشيق»سؤزونون اوزرينده و اونون كؤكو حاققيندا بو گونه كيمي بير چوخ ملاحظه لر آپارلديقينا راغماً ؛آيري-آيري فيكيرلر بوگون يازيلارميزدا گؤرونمك ده دير.دوزدور كي بوگون بوكلمه نين هانسي كؤكدن تؤرنديگي هله ليك آيدين دئييل آمما بير چوخ ملاحظه لري گؤز اؤنونه آلديقميزدا گؤرونور كي «آشيق»سؤزو دوزراق گؤرنور تا «عاشيق».
بعضي تدقيقاتچيلارين گؤروشلرينه گؤره عربجه نين «عشق»كلمه سيندن تؤرنديگي سؤزدن «عاشيق»سؤزو؛عشق و عاشقليق داستانلاري دئييب و بيرچوخودا بوآرادا بوداستانلارين باش يارديجيسي اولدوقلاريندان بو آدلا؛تانينميشلار.امما دئمليك لازيم ديركي آيشق يارادجيليقي تارخينه باخيلديقيندا چوخ اسكي و عربلردن اونجه كي تاريخلره دايانديقي بللي اولر.
خاطيرلاتماق گركير كي«آشيق»صنعتيله «عشق» و «عاشيقي»شعر ايفاچيليقي بير-بيريندن چوخ فرقلي دير.«آشيق»ياراديجليقي بيركيشيسل(فردي)ياراديجيقلاري و ايفاچيليقلاري بير-بيرله برابر اولور ؛آمما عشق شاعيرليقلاريندا تكجه شاعيرين سؤزساحه سينده چاليشماقدادير.
تاريخ ديرينليقلرينه باخديقميزدا تورك خالقينين اورتاق اولاراق ايشاره ائديلن اؤزليكلره صاحيب اولان كيشيلره «اوزان»دئيليرميش .اوزانلار خالق ايچينده بير گزگين ودولانان آدام اولدوقلاريندان اولوس ايچينده بيرچوخ بيلگيه صاحيب اولوردولارو هريئردن خبر وئرديگيندن ائل ايچينده اؤنملي بير يئروائل سيرداشلاري كيمي گؤرنمكدئيديلر.بو ندنلرله ده اوزانلار چوخ اولو بيرمقام الده ائدرك سانكي ائللرين آغ ساققالاري كيمي بير قوتساليق و مقدسليق الده ائلميشديلر.
Uzاورخون يازيلاريندا صنعت يونو اولان و گوزل صنعتلرله اوغراشان كيشي آنلاميندا دير.اوزمان(uzman) سؤزؤده باشاريلي و اؤزايشينده اوستاد كار اولان كيشي بو كؤكدن دير.
ديوان الغات تورك سؤزلوگونده “اُزُك”سؤزو “پاك و تميز اولان نفس” آنلاميندادير كي بودا”اوزان” سؤزايله باغلي اولا بيلر.نيه كي اوزانلار چوخ پاك نيتلي و آللاه آدامي كيمي بير عرفاني كيشيليقلري اولان؛تاريخ بويونجا بوتون يازيلاردا و داستانلاردا ان گوزه چارپان نيتليقلره صاحيب آداملار كيمي تانينلانميشديرلار.
اوزانلار تورك توپلوملارين آراسيندا باشقا –باشقا آدلارا تانيدنيقلارينا راغماً هاميسي اوزان سايلريلار.
“اوزان چي”"باخشي”يا”باغشي”"آكين”"باكسي”"ماناس چي”"يانشاق”"وارساق” “دده”"آشيق”حافظ”"ژيرائوس”آدلاريلا تورك خالقيلارندا تانينان؛اوزانلارين خلف اوغوللاري و نوه لري سايليرلاركي هربير اوزان آغاجيندان بوداقلانيب هاميسينين كؤكو «اوزان» دير.
آشيق سؤزو عالملر گؤروشونه گؤره اسكي تورك ديلنده كي«آشي»سؤزوندن يارادلميش دير.«آشيلماق»و«آشماق»آنلامي اولان آشيقلارين خالقيلا بيرلشميش؛اونلارا باغلي اولماقلاري و خالقا «آشيلانميش» كيمسه لره ايفاده سيني يئترير.«آشي»سؤزونون ايزيني بوگون بئله بعضي تورك خالقلارنين ديللرينده گؤرمك اولا اؤرنك اوچون اؤزبكلرده «آشوله»آهنگ و چالماق معناسي ندادير.
16-نجي عصرين سونلاريني آشيق صنعتنين باشلانيشي و بوگونكي آنلامي قازانان دؤوران تانيماق اولار.بوعصريدن سونرا آشيق صنعتنين نوعلارنا و تورلرينه ادبيات ساحه ميزده بولجا گؤرمك اولار.بوتاريخدن بويانا بؤيوك وآدليم آشيقلاري يئتيشمكده اولوب17و 18نجي عصري بوصنعتين ان يوكسك زيروه لرينه چاتان چاغ آدلانديرماق اولار.
آشيق ادبياتي باشلي –باشينا فولكلور ساحه سي بؤيوك بيرحيصه سي سايلير.آشيق ياراديجليغي زنگين و بديعي و مدني بير ارث اولاراق ايللر بويو ياديلماقدا اولوب بيرچوخ شعر وسؤز نوعي اورتايا چيخاردميش دير كي تكجه تورك خالقينا عاييت دير.
آشيقلارين ميدانا گتيرديكلري اثرلر ايكي بؤلومه آيريلري”حيكايه” و”شعر”نوعي؛حيكايه لرآشيقلارين آنلاتديقلاري نظم ونثرقاريشمي داستانلاردير كي خالق آراسيندا “خالق حيكايه سي”تانينير.حيكايه لرده قهرمانليق ؛عشق و خالق شاعيرلرينين حياتلاري و ياشايشلاري آنلاديلماقداددير.”شعر” نوعي هم آشيقلار طرفيندن ؛همده باشقالارين طرفيندن ميدانا گتيريلرن شعرلردير كي آشيقلار طرفيندن اوخونور؛بو شعرلرده وطن پرورليك؛سئودا ؛مديحه؛آرزو؛دويغو واحساسلاري شعرشكلينده دئيلير.
آشيق ادبياتني شعر باخيميندان ايكي آنا بؤلومه بؤلمك اولار :
1)هجا توري
خلق آراسيندا ان چوخ دئيلن و ان تانينميش آشيق شعري توردور كي قوشما؛گرايلي؛تجنيس؛ ؛مخمس؛ سمايي؛ وارساقي؛داستان؛آغيت؛ هجا نوع نون بير نئچه فرعي قولاريندا سايلير.
2) آرزو توري
ديواني؛سليس؛استادنامه؛وجودنامه؛سمايي(هجاوزنين ده كيندن فرقيلي دير)؛گؤزل لمه؛تاسلاما؛ ؛قلنديري؛شطرنج ؛تنقيد ؛حربه –زوربا؛؛دئيشمه ؛وزني آخير؛معما؛ ؛قفيل بند؛ آرزو تورونون فرعي قولاريندان سايلير.
قايناقلار:
عاشيقلار- م.صديق (دوزگون)
آذربايجان خالق شيفاهي ادبياتي- پ .افنديئو
بؤلوم :
+0 به يه ن
